- 44 -

1352. Mai 8.

Noverint universi quorum audiencie presens scriptum fuerit recitatum Quod nos Otto et Jesco fratres de Linauia cum sorore nostra Clara mentibus et corporibus nostris plene sani spontanea voluntate Bona nostra in villa Beskov vulgariter nuncupata prope Civitatem Nouam Ecclesiam situata, que habuimus post venditionem Pusonis et ipsius resignationem, cum omnibus et singulis carum utilitatibus proventibus et pertinencijs, prout ad nos pertinere noscebantur, Deodicate Virgini Eufemie, germane Lestkonis pie memorie olim Ducis Ratiboriensis, totique communitati Sororum Sanctimonialium sub professione ordinis Predicatorum in Civitate Rathibor, et Claustro earum ibidem vendidimus pro viginti Marcis grossorum Pragensium gravis ponderis, quas nobis solvisse in toto et complete profitemur, et exnunc eadem bona cum omnibus predictis Eufemie Domicelle prefate, Sororibus et Claustro earum coram Magistro Zcude in Oppauia liberaliter resignasse. Insuper promittimus sub veritate nostre fidei manu pari, sepedicta bona ut superius est expressum per amplius numquam arrestare nec Conventum Monialium verbis consilijs et actibus impedire. Ut autem hec vendicio illesa permaneat, presentem litteram conscribi iussimus et Sigillis subscriptorum perhennari, videlicet Domini Waltheri de Kacer, Domini Sdenconis de Turcow, et Consulum Civitatis Ratibor quorum Sigilla in memoriam sempiternam sunt appensa. Actum et Datum Ratibor sub a d. M°. ccc°. lij°. In die beati Stanislai Martiris.

Aus der Privilegien-Bestätigung Ferdinands II. vom 25. Januar 1622.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.